Tashriflar davomida aholini qiynayotgan dolzarb muammolar, taklif va mulohazalar tinglanib, ularning turmush sharoiti hamda ijtimoiy holati joyida o‘rganildi.

Xususan, ichimlik suvi, elektr va tabiiy gaz ta'minoti, ichki yo‘llar, obodonlashtirish, kommunal xizmatlar sifati, bandlik, ijtimoiy yordam hamda boshqa masalalar yuzasidan bildirilgan murojaatlar qayd etildi.

Har bir murojaat bo‘yicha tegishli chora-tadbirlar belgilandi. Joyida hal etilishi mumkin bo‘lgan masalalar yuzasidan amaliy ishlar olib borildi, qo‘shimcha o‘rganish talab etadigan murojaatlar esa tegishli mutasaddi tashkilotlarga yuborilib, ularning ijrosi deputatlik nazoratiga olindi.

Shuningdek, fuqarolarga davlat tomonidan yaratilayotgan imkoniyatlar, amaldagi qonunchilikdagi yangiliklar hamda murojaat qilish tartibi yuzasidan zarur huquqiy tushuntirishlar berildi.

Xonadonlarga kirib fuqarolar bilan bevosita muloqot qilish, ularning muammolarini joyida o‘rganish va amaliy yechim topishga ko‘maklashish deputatlik faoliyatining ustuvor yo‘nalishlaridan biri bo‘lib, bu boradagi ishlar izchil davom ettirilmoqda.