Deputat so‘rovi ijobiy hal etildi.

Xalq deputatlari Angor tumani Kengashi 6-Qorasuv saylov okrugi deputati Jamshid Raximqulov tomonidan fuqarolardan kelib tushgan murojaat asosida deputatlik so‘rovi yuborildi.

Murojaatda Gulzor va Qorasuv mahallalari aholisini uzoq vaqtdan buyon qiynab kelayotgan ichimlik suvi ta’minotidagi uzilishlar hamda suv yetib bormayotgani masalasi ko‘tarilgan edi.

Deputatlik so‘rovi tegishli mutasaddi tashkilotlar tomonidan joyiga chiqqan holda o‘rganildi. O‘rganishlar davomida ichimlik suvi tarmog‘idagi nosozliklar aniqlanib, quvurlardagi muammolar bartaraf etildi hamda zarur ta’mirlash ishlari amalga oshirildi.

Ko‘rilgan choralar natijasida Gulzor va Qorasuv mahallalari aholisining ichimlik suvi ta’minoti tiklanib, murojaatda ko‘tarilgan masala ijobiy hal etildi.

Deputat tomonidan fuqarolarning murojaatlarini o‘z vaqtida ko‘rib chiqish va ularning muammolariga amaliy yechim topish borasidagi ishlar izchil davom ettirilmoqda.