Deputat o‘rganishi: Tibbiyot muassasasidagi dori ta’minoti nazoratga olindi

Xalq deputatlari Termiz tuman Kengashi deputati A.Avliyakulov tumandagi "M.Eshtemirov" mahalla fuqarolar yig‘ini hududida joylashgan tibbiyot muassasasida bo‘lib, aholiga ko‘rsatilayotgan tibbiy xizmat sifatini ko‘zdan kechirdi.

O‘rganish davomida asosiy e’tibor quyidagilarga qaratildi:

Bepul dori-darmon ta’minoti: Davlat tomonidan imtiyozli asosda, bepul berilishi ko‘zda tutilgan dori vositalarining mavjudligi va ularning haqiqatda ehtiyojmand bemorlarga yetkazib berilish holati;

Shart-sharoitlar: Tibbiyot maskanida bemorlar va xodimlar uchun yaratilgan qulayliklar;

Murojaatlar ijrosi: Aholining tibbiy xizmatdan qoniqish darajasi va dori ta’minotidagi shaffoflik.

Deputat o‘rganish yakunida mas’ul xodimlarga dori vositalari zaxirasini doimiy nazorat qilib borish va aholi orasida imtiyozli dori-darmonlar olish tartibi bo‘yicha tushuntirish ishlarini kuchaytirish yuzasidan tavsiyalar berdi.