Xalq deputatlari Toshloq tuman Kengashi deputati M.Sulaymonovaning “6-Qo‘rg‘oncha” saylov okrugida tuman Kengashi kotibiyat mudiri M.Qoraboyeva tomonidan yoshlar yetakchisi tomonidan amalga oshirilgan ishlar o‘rganildi.

Qo‘rg‘oncha mahalla fuqarolar yig‘inida yoshlar yetakchisi ko‘magida 2 nafar yoshlarga tadbirkorlikni rivojlantirish uchun 150 million so‘m imtiyozli kredit ajratilgan hamda 1 nafar yoshlarga ta’lim olish uchun kontrakt to‘lovini bir qismini qoplab berilgan.

Shuningdek, mahalladagi ijtimoiy himoyaga muhtoj, ishsiz hamda uyushmagan yoshlar bilan individual ishlash yo‘lga qo‘yilib, ularning muammolarini aniqlash va hal etish yuzasidan tegishli tashkilotlar bilan hamkorlikda amaliy choralar ko‘rilmoqda.

Uchrashuv yakunida hududning imkoniyatidan keng foydalangan holda, baliqchilikni yanada rivojlantirish, zamonaviy texnologiyalarni joriy etish, mavjud suv havzalaridan samarali foydalanish hamda yangi ish o‘rinlarini yaratish bo‘yicha taklif va tavsiyalar bildirildi.