Xalq deputatlari Tuproqqal’a tuman Kengashi deputati Z. Rahimberganova tomonidan O‘zbekiston Respublikasining 2019-yil 2-avgustda qabul qilingan “Xotin-qizlar va erkaklar uchun teng huquq hamda imkoniyatlar kafolatlari to‘g‘risida”gi Qonun ijrosi yuzasidan Inson ijtimoiy xizmatlar markazida davra suhbati tashkil etildi.

Tadbirda mahalladagi xotin-qizlar ishtirok etib, qonun ijrosi doirasida mavjud muammolar, ularni bartaraf etish yo‘llari hamda amaliy chora-tadbirlar yuzasidan mutaxassislar bilan ochiq muloqot olib borildi.

Davra suhbati davomida ishtirokchilar tomonidan bildirilgan taklif va muammolar atroflicha muhokama qilinib, ularning yechimiga qaratilgan takliflar ilgari surildi.

 Shuningdek, deputat tomonidan mazkur qonun ijrosini samarali ta’minlash, markaz faoliyatini yanada takomillashtirish hamda kelgusida amalga oshirilishi lozim bo‘lgan ustuvor vazifalar yuzasidan mas’ullarga tegishli tavsiyalar berildi.