Xalq deputatlari Angor tumani Kengashi 18-Yangi turmush saylov okrugi deputati Yo‘ldasheva Sevara tashabbusi bilan hudud aholisi salomatligini muhofaza qilish, tibbiy xizmatlardan foydalanish imkoniyatlarini kengaytirish maqsadida sayyor tibbiy ko‘rik tashkil etildi. Deputat tomonidan ilgari surilgan ushbu tashabbus doirasida fuqarolar malakali shifokorlar tomonidan bepul tibbiy ko‘rikdan o‘tkazilib, ularga zarur tibbiy tavsiyalar berildi. Ayniqsa, ijtimoiy himoyaga muhtoj aholi qatlamiga alohida e’tibor qaratildi. Deputatning mazkur amaliy tashabbusi hududda aholi salomatligini mustahkamlash, kasalliklarning oldini olish va tibbiy xizmatlar qamrovini kengaytirishga xizmat qilmoqda.