Xalq deputatlari Ishtixon tumani Kengashi huzuridagi Yoshlar maslahat guruhi a’zosi Abduaxatov Jahongir tashabbusi bilan Mirishkor mahallasida “Besh tashabbus olimpiadasi”ning mahalla bosqichi yuqori saviyada tashkil etildi.

Tadbir davomida yoshlarning bo‘sh vaqtini mazmunli tashkil etish, ularni sport, san’at va intellektual yo‘nalishlarga keng jalb qilish, eng muhimi — har bir yoshning ichki salohiyatini yuzaga chiqarish masalalariga alohida e’tibor qaratildi. Yoshlar o‘z iqtidorlarini namoyon etib, sog‘lom raqobat muhitida bellashdilar.

Abduaxatov Jahongir tomonidan faol va tashabbuskor yoshlarni qo‘llab-quvvatlash, ularni rag‘batlantirish hamda kelgusida yanada katta marralarni zabt etishlari uchun zarur amaliy yordamlar ko‘rsatildi. Bu esa yoshlar orasida motivatsiyani yanada oshirdi.

Bugungi kunda Yoshlar maslahat guruhining faoliyati nafaqat tadbirlar tashkil etish, balki yoshlarning muammolarini o‘rganish, ularning taklif va tashabbuslarini qo‘llab-quvvatlash, davlat siyosatini joylarda samarali amalga oshirishga xizmat qilmoqda. Eng muhimi, bu tizim orqali yoshlarning ijtimoiy-siyosiy faolligi oshib, ular jamiyat hayotining faol ishtirokchisiga aylanmoqda.

“Besh tashabbus olimpiadasi” esa aynan shunday platforma bo‘lib, yoshlarni birlashtiradi, ularni rivojlanishga undaydi va kelajak liderlarini kashf etadi.

Ishtixonda amalga oshirilayotgan bu kabi tashabbuslar — ertangi kun egalari bo‘lgan yoshlar uchun mustahkam poydevor vazifasini o‘tamoqda.