Xalq deputatlari Mirobod tuman Kengashi deputati Xayrulla Kayumov "Bayot" mahalla fuqarolar yig‘inida qabul o‘tkazdi.

Deputat qabulida fuqarolar tomonidan mahallaning ijtimoiy-iqtisodiy hayotiga oid bir qator masalalar ko‘tarildi, dolzarb muammolar yuzasidan yordam so‘rab ayrim fuqarolardan murojaatlar kelib tushdi.

Har bir murojaat deputat tomonidan qayd etilib, alohida mas’ul tashkilotlar bilan o‘rganish ishlari olib borish, natijasi yuzasidan ta’sirchan deputat nazorati olib borilishini ta’kidlab o‘tildi.