Xalq deputatlari Guliston shahar Kengashi deputati Y.Usmonova tomonidan “Bahor” MFY hududida aholi tomonidan bildirilgan murojaatlar va mavjud muammolar joyida o‘rganildi.

 O‘rganishlar davomida Qahramon, Do‘stlik, Yakkabog‘ hamda Gulhayot ko‘chalarida joylashgan suv quduqlarining qopqoqlari ochiq holda qolib ketgani aniqlandi.

️ Mazkur holat fuqarolar xavfsizligi uchun jiddiy xavf tug‘dirib, ayniqsa bolalar va piyodalar uchun noxush oqibatlarga olib kelishi mumkin. Shu sababli aholi tomonidan haqli e’tirozlar bildirilmoqda.

Ushbu muammo yuzasidan tegishli choralar ko‘rish uchun Suv ta’minoti AJ Guliston shahar bo‘limiga deputatlik so‘rovi yuborildi.

 Quduqlarni zudlik bilan qopqoqlar bilan ta’minlash hamda xavfsizlik choralarini ko‘rish zarurligi ta’kidlandi.