Xalq deputatlari Sardoba tumani Kengashi kotibiyat mudiri Q.O‘tayev hamda tuman Kengashi deputati G‘.Saitboyev tomonidan tuman Kengashining VII-24-18-9-127-K/26-sonli qarori ijrosi yuzasidan o‘rganish ishlari olib borildi.
O‘rganish davomida mazkur qaror asosida tuman mahalliy byudjetining qo‘shimcha manbalari hisobidan 5 ta mahallada yangi qurilgan sug‘orish tarmoqlariga o‘rnatilgan nasos stansiyalarini uzluksiz elektr energiyasi bilan ta’minlash maqsadida quyosh panellarini xarid qilish va o‘rnatish uchun ajratilgan 200,0 mln so‘m mablag‘larning maqsadli sarflanishi hamda qarorda belgilangan vazifalarning ijrosi ko‘rib chiqildi.
Mazkur mablag‘larning maqsadli yo‘naltirilishi natijasida nasos stansiyalarini muqobil energiya manbalari orqali barqaror ishlatish, sug‘orish tarmoqlarining uzluksiz faoliyatini ta’minlash va qishloq xo‘jaligi yerlarini suv bilan ta’minlash samaradorligini oshirish ko‘zda tutilgan.
O‘rganish yakunida qaror ijrosini to‘liq va sifatli ta’minlash, ajratilgan mablag‘lardan samarali foydalanish hamda o‘rnatilgan quyosh panellarining barqaror ishlashini nazoratga olish yuzasidan mas’ullarga tegishli tavsiyalar berildi.