Xalq deputatlari Jondor tumani Kengashiga 8-Oxshix saylov okrugidan saylangan deputat X. Xodjayev hamda tuman Kengashi kotibiyati bosh mutaxassisi R. Murodovlar hamkorligida saylovchilar bilan ochiq muloqot o‘tkazildi.
✔️Uchrashuv davomida saylovchilarning fikr-mulohazalari, taklif va murojaatlari tinglanib, ularni qiynayotgan masalalar yuzasidan ochiq va samimiy muloqot olib borildi. Aholi tomonidan bildirilgan murojaatlarning yechimini topish, ularni tegishli mutasaddi tashkilotlarga yo‘naltirish va ijrosini nazoratga olish muhim vazifalardan ekani ta’kidlandi.
✔️Shuningdek, deputat X. Xodjayev saylovchilar bilan bunday ochiq muloqotlar aholi muammolarini joyida o‘rganish, ularning qonuniy manfaatlarini himoya qilish hamda hududni ijtimoiy-iqtisodiy rivojlantirishda muhim ahamiyat kasb etishini qayd etdi.
✔️Uchrashuv yakunida bildirilgan taklif va murojaatlarning ijrosini ta’minlash, ularni nazoratga olish bo‘yicha tegishli chora-tadbirlar belgilab olindi. Bunday muloqotlar saylovchilar va deputatlar o‘rtasidagi hamkorlikni yanada mustahkamlashga xizmat qiladi.