Xalq deputatlari Qo‘qon shahar Kengashi deputati tomonidan yuborilgan deputatlik so‘rovi yuzasidan “Farg‘ona suv ta’minoti” AJ Qo‘qon shahar filiali tomonidan rasmiy javob taqdim etildi.

Rasmiy javobda qayd etilishicha, 2026-yil 22-iyuldagi 84-ds-295-26-sonli deputatlik so‘rovi asosida Qo‘qon shahar “Ganjiravon” MFY aholisi tomonidan ichimlik suvi ta’minotini yaxshilash maqsadida suv minorasi qurish masalasi mutaxassislar tomonidan o‘rganib chiqilgan.

O‘rganish natijalariga ko‘ra, mazkur hududda ichimlik suvi ta’minotini yanada yaxshilash maqsadida zarurat mavjudligi aniqlangan taqdirda ushbu loyihani tegishli davlat dasturlariga kiritish bo‘yicha taklif berilishi ma’lum qilingan.

Deputatlik so‘rovi asosida ko‘tarilgan masala mutasaddi tashkilot tomonidan nazoratga olinib, hudud aholisini sifatli ichimlik suvi bilan ta’minlash borasida tegishli ishlar davom ettirilishi bildirildi.

Xalq deputatlari Qo‘qon shahar Kengashi