Xalq deputatlari Pastdarg‘om tuman Kengashi deputati tomonidan Mang‘itobod mahallasi elektr ta’minoti tarmog‘ini yaxshilash hamda 4 dona temir-beton tayanch o‘rnatish masalasida yuborilgan deputatlik so‘roviga “Hududiy elektr tarmoqlari” AJ Samarqand hududiy filiali Pastdarg‘om tuman elektr ta’minoti korxonasi tomonidan rasmiy javob taqdim etildi.

Javob xatida qayd etilishicha, deputatlik so‘rovida ko‘tarilgan masala belgilangan tartibda o‘rganilib, Mang‘itobod mahallasidagi 10 kVli O‘tarchi elektr uzatish tarmog‘idagi ta’mirtalab tayanchlar o‘rniga 4 dona yangi temir-beton tayanch o‘rnatish ishlari manzilli dasturga kiritilgan.

Shuningdek, mazkur tayanchlarni xarid qilish tuman hokimligining infratuzilmani rivojlantirish jamg‘armasi mablag‘lari hisobidan moliyalashtirilishi rejalashtirilgan. Mablag‘ ajratilgach, yangi tayanchlar o‘rnatiladi.