Xalq deputatlari Toyloq tuman Kengashining 23-Zarafshon saylov okrugidan saylangan deputati F. Suyarov tomonidan Tepaqishloq mahallasida mavjud elektr ta’minoti bilan bog‘liq muammolar joyiga chiqqan holda o‘rganildi.

O‘rganishlar davomida mahallada 730 nafardan ortiq xonadon, ta’lim muassasalari, maktabgacha ta’lim tashkiloti hamda oilaviy shifokorlik punkti mavjud bo‘lishiga qaramasdan, hudud faqatgina bitta transformator orqali elektr energiyasi bilan ta’minlanayotgani aniqlandi. Ayniqsa, qish mavsumida elektr uzilishlari ko‘payishi hamda kuchlanish yetarli darajada emasligi aholi tomonidan asosiy muammolardan biri sifatida bildirildi.

Mazkur muammoni bartaraf etish maqsadida hududga qo‘shimcha 100 kVt quvvatga ega transformator o‘rnatish yuzasidan tegishli mas’ul tashkilotlar bilan muhokamalar olib borildi hamda Toyloq tuman elektr ta’minoti korxonasiga deputatlik so‘rovi yuborildi.
✅Bizni kuzatib boring: 👇
|📲 Telegram | 💻Facebook