#deputatlar_nazorati #poytaxtdeputatlari #deputatlik_faoliyati

❗️ Olmazor tumanida “Mahalla yettiligi – Kengash – Senat” hamkorligini mustahkamlash masalalari muhokama qilindi

🏛 Xalq deputatlari Toshkent shahar Kengashi kotibiyati mudiri Davronbek Ravshanbekov, Olmazor tuman Kengashi kotibiyati mas’ullari hamda ishchi guruh a’zolari tomonidan Olmazor tumanining “Ziyokor” mahallasida mahalla yettiligi vakillari bilan uchrashuv tashkil etildi.

📝 Uchrashuv davomida O‘zbekiston Respublikasi Oliy Majlisi Senati Kengashining 2025-yil 14-yanvardagi KQ-35-V-sonli “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi qarori mazmun-mohiyati atroflicha ko‘rib chiqildi.

🤝 Ta’kidlanganidek, mazkur qaror asosida “Mahalla yettiligi – Kengash – Senat” uch bo‘g‘inli hamkorlik tizimini amaliyotda samarali yo‘lga qo‘yish, hududlardagi mavjud muammolarni aniqlash, ularni xalq deputatlari mahalliy Kengashlari sessiyalari kun tartibiga kiritish hamda ijrosini qat’iy nazorat qilish mexanizmlarini takomillashtirish ustuvor vazifa ekani qayd etildi.

💬 Muloqot davomida mahallalarda infratuzilmani rivojlantirish, fuqarolar murojaatlarini tizimli o‘rganish, deputatlik nazoratini kuchaytirish hamda davlat organlari va mahalla fuqarolar yig‘inlari o‘rtasidagi hamkorlikni yanada mustahkamlash yuzasidan fikr va takliflar bildirildi.

🔎 Uchrashuv yakunida aholi manfaatlarini ta’minlash, hududlarda mavjud muammolarni o‘z vaqtida bartaraf etish hamda mahalla va Kengashlar o‘rtasidagi hamkorlikni yanada rivojlantirish bo‘yicha kelgusidagi ustuvor vazifalar belgilab olindi.

📱 Telegram 📱 Instagram 📱 Facebook 📱 YouTube 🔎 E-kengash