Qonun ijrosi o‘rganildi

Xalq deputatlari tuman Kengashi kotibiyati bosh mutaxassisi J.Donayev hamda tuman Kengashi deputati I.Qurbonov "Iste’molchilarning huquqlarini himoya qilish to‘g‘risida"gi O‘zbekiston Respublikasi Qonuni (1996-yil 26-aprel, 221-I-son) ijrosi yuzasidan tuman Iste’molchilar huquqlarini himoya qilish jamiyatiga tashrif buyurib, qonun talablarining amaliyotdagi ijrosi bilan tanishdilar.

Tashrif davomida jamiyat tomonidan iste’molchilarning huquqlari va qonuniy manfaatlarini himoya qilish, kelib tushayotgan murojaatlarni ko‘rib chiqish, iste’molchilar bilan ishlash tizimi hamda qonun talablarini amaliyotga tatbiq etish borasida olib borilayotgan ishlar o‘rganildi.

Shuningdek, jamiyat mas’ullari bilan amaldagi qonun hujjatlari mazmun-mohiyati yuzasidan fikr almashilib, iste’molchilar huquqlarini ishonchli himoya qilish, murojaatlar bilan ishlash sifatini yanada oshirish hamda qonun talablariga rioya etishni kuchaytirish bo‘yicha tushuntirishlar berildi. Tashrif yakunida faoliyat davomida yuritilayotgan hujjatlar bilan ham tanishilib, mavjud masalalar yuzasidan tegishli tavsiya va takliflar bildirildi.

Qiziriq tumani Kengashi Axborot xizmati 
Rasmiy sahifalarimiz👇
Telegram | Facebook | E-kengash |Instagram