Xalq deputatlari Chilonzor tumani Kengashi deputati, Kengash kotibiyati mudiri, O‘zLiDeP a’zosi Murotova Lola Ne’matjon qizi tomonidan 12-Navbahor saylov okrugida jinoyatchilikka qarshi kurashish, ayniqsa "qizil" va "sariq" toifaga kiruvchi hududlarda huquqbuzarliklarning oldini olish bo‘yicha amalga oshirilayotgan ishlar joyiga chiqqan holda o‘rganildi.
✅O‘rganish davomida ma’lum bo‘lishicha, joriy yil boshidan buyon mazkur hududda jami 3 ta jinoyat qayd etilgan bo‘lib, shundan 1 tasi o‘g‘rilik, 2 tasi firibgarlik bilan bog‘liq holatlardir.
📌E’tiborlisi, ushbu ko‘rsatkich o‘tgan yilning shu davriga nisbatan 70 foizga kamaygan, va mahalla qizil hududdan yashil hududlar qatoriga kirgan. Bu esa tumanda amalga oshirilayotgan "Jinoyatdan xoli hudud" loyihasi doirasidagi profilaktik chora-tadbirlar o‘z samarasini berayotganidan dalolat beradi.
📱Shuningdek, qayd etilgan ikki firibgarlik holati metro yaqinidagi bozorda sodir etilgan bo‘lib, mazkur jinoyatlar mahalla fuqarolari tomonidan sodir etilmaganligi va jabrlanuvchilar ham mahalla aholisi emasligi ta’kidlandi.
📱O‘rganishlar jarayonida bugungi kunda fuqarolar tomonidan eng ko‘p kelib tushayotgan murojaatlar aynan firibgarlik bilan bog‘liq ekani qayd etildi.
📱Xususan, ayrim fuqarolarning huquqiy bilimlari yetarli emasligi, kredit rasmiylashtirish va moliyaviy xizmatlardan foydalanish jarayonida turli aldovlarga uchrayotgani kuzatilmoqda.
🤩Navbahor mahallasi uchastka noziri o‘rinbosari Ahmedov Oybek tomonidan mahallada jinoyatlarning oldini olish, aholining huquqiy ongi va madaniyatini yuksaltirish, ayniqsa firibgarlik holatlarining oldini olishga qaratilgan profilaktik tadbirlar yuzasidan amalga oshirilayotgan ishlar haqida batafsil ma’lumot berildi.
📱O‘rganish yakunida deputat tomonidan profilaktika ishlarini yanada kuchaytirish, aholi o‘rtasida huquqiy targ‘ibotni kengaytirish hamda fuqarolarni moliyaviy firibgarliklardan ogoh etish bo‘yicha tushuntirish ishlarini izchil davom ettirish yuzasidan tegishli taklif va tavsiyalar bildirildi.