🏛 Xalq deputatlari Shovot tumani Kengashi deputati I. Masharipov tomonidan 2026-yil 12-iyunda 69-ds-448-26-sonli deputat so‘rovi yuborilgan edi.
📍 Mazkur so‘rovda Shovot tumani Qirg‘oqbo‘yi mahallasi hududida, 90 V 061 avtomobil yo‘li bo‘yida joylashgan ko‘p qavatli uylarning yer to‘lalari va atrofida kanalizatsiya tarmoqlaridagi nosozliklar sababli oqava suvlarning ochiq maydonga chiqib ketayotgani hamda bu holat aholi uchun noqulaylik tug‘dirayotgani ko‘tarilgan.
📨 Deputat so‘rovi “Xorazmsuvta’minoti” AJ Shovot tumani filiali boshlig‘i K. Vaisovga yuborilib, muammoni o‘rganish va amaliy choralar ko‘rish so‘ralgan edi.
✅ Mazkur murojaat yuzasidan “Xorazmsuvta’minoti” AJ Shovot tumani filiali tomonidan tegishli ta’mirlash ishlari amalga oshirilib, kanalizatsiya tarmoqlaridagi nosozliklar bartaraf etildi.
📄 Tashkilot tomonidan 2026-yil 23-iyun kuni taqdim etilgan javob xatiga ko‘ra, hududdagi muammo to‘liq bartaraf etilgan.
🤝 Fuqarolar murojaatlarini o‘rganish, hududlardagi mavjud muammolarni aniqlash va ularning yechimini ta’minlash deputatlik faoliyatining muhim yo‘nalishlaridan biri bo‘lib qolmoqda.