SAYLOVCHILAR BILAN OCHIQ MULOQOT O‘TKAZILDI.

Xalq deputatlari Angor tumani Kengashining 21-Chinobod saylov okrugi deputati Mamatova Gulorom tomonidan Chinobod mahallasida saylovchilar bilan navbatdagi uchrashuv tashkil etildi.

Uchrashuv davomida fuqarolar tomonidan bildirilgan murojaatlar, mavjud muammolar hamda hududni rivojlantirishga doir takliflar atroflicha muhokama qilindi. Aholini qiynab kelayotgan masalalar yuzasidan tegishli muammolarni bartaraf etish choralarini ko‘rish, ularni qonuniy va o‘z vaqtida hal etish bo‘yicha zarur vazifalar belgilandi.

Deputat tomonidan har bir murojaat alohida nazoratga olinishi, fuqarolar manfaatlarini ta’minlash va ularning muammolariga yechim topish deputatlik faoliyatining ustuvor yo‘nalishlaridan biri ekani ta’kidlandi.

Ochiq va samimiy muloqot ruhida o‘tgan uchrashuv aholining fikr va takliflarini bevosita eshitish, hududdagi dolzarb masalalarni aniqlash hamda ularni hal etish yuzasidan amaliy choralarni belgilashda muhim ahamiyat kasb etdi.