Xalq deputatlari Qo‘shko‘pir tuman Kengashi deputati Abdullayeva Gulnora Ataboyevna O‘rta qishloq mahallasi hududidagi 14-son maktab jamoasi bilan uchrashuv o‘tkazib, kiberxavfsizlik masalalariga bag‘ishlangan muhim targ‘ibot tadbirini amalga oshirdi.

Mazkur tadbir doirasida deputat raqamli makonda xavfsizlikni ta’minlash, yoshlar ongida axborot madaniyatini yuksaltirish hamda turli tahdidlarga nisbatan hushyorlikni kuchaytirish bugungi kunning ustuvor vazifalaridan biri ekanini alohida ta’kidladi. Shuningdek, u kiberjinoyatchilikka qarshi kurashishda jamiyatning barcha qatlamlari, ayniqsa ta’lim muassasalari muhim o‘rin tutishini qayd etdi.

Uchrashuv davomida ishtirokchilarga internetdan to‘g‘ri va xavfsiz foydalanish, shaxsiy ma’lumotlarni himoya qilish hamda zararli axborotlardan saqlanish bo‘yicha amaliy tavsiyalar berildi.