O‘rganishlar jarayonida yakka tartibdagi tadbirkor Madoliyeva Hayotxon Sattoralievna tomonidan 110 o‘rinli maktabgacha ta’lim muassasasini tashkil etish bo‘yicha loyiha ko‘zdan kechirildi. Mazkur loyiha hududda maktabgacha ta’lim qamrovini kengaytirish, bolalar uchun zamonaviy va qulay sharoitlar yaratish yo‘lida muhim ahamiyat kasb etadi.

Shuningdek, deputat hududdagi boshqa yakka tartibdagi tadbirkorlar faoliyati bilan ham tanishib, ularning ish jarayonlari, mavjud muammolari va istiqboldagi rejalari yuzasidan fikr almashdi.

O‘rganish davomida mahalliy Kengash deputati faoliyatining ustuvor yo‘nalishlari bo‘yicha berilgan tavsiyalarga alohida e’tibor qaratildi. 

Jumladan:

— aholiga o‘z vaqtida va sifatli tibbiy xizmat ko‘rsatilishi holati;

— hokim yordamchilari tomonidan olib borilayotgan ishlar samaradorligi, ayniqsa aholini kambag‘allikdan chiqarish borasidagi amaliy chora-tadbirlar.

Deputat tomonidan o‘rganishlar davomida aniqlangan masalalar yuzasidan tegishli mutasaddilarga taklif va tavsiyalar berildi. Hududlarni kompleks rivojlantirish, aholi turmush darajasini yaxshilash hamda yoshlar uchun yanada qulay sharoitlar yaratish masalalari doimiy deputat nazoratida bo‘lishi ta’kidlandi.

Deputatlar tomonidan joylarda olib borilayotgan bunday o‘rganishlar hududlardagi muammolarni aniqlash va ularni samarali hal etishda muhim omil bo‘lib xizmat qilmoqda.