Xalq deputatlari Bag‘dod tumani Kengashining 3-Olchin saylov okrugi deputati A.Ubaydullayev tomonidan hududlarda olib borilayotgan o‘rganishlar davom etmoqda. 

Xususan, Xalq deputatlari Bag‘dod tumani Kengashining 2026-yil 13-mart kungi VII-19-15-11-152-K/26-sonli qarori bilan, O‘zbekiston Respublikasi Prezidentining 2026-yil 9-fevraldagi PQ–49 sonli Qarori 13-bandi ijrosi ta’minlash maqsadida, Ijtimoiy reyestrdagi I guruh nogironligi boʻlgan va mehnatga layoqatli aʼzosi boʻlmagan 24 ta oilalar xonadonlarini energiya tejamkor qilish, jumladan devor va tom qismlarini izolyatsiya qilish,energiya tejamkor deraza va eshiklar hamda quyosh energiyasi qurilmalarini o‘rnatish ishlari uchun 1 440 mln.so‘m mablag‘ Infratuzilma va ijtimoiy barqarorlik jamg‘armasi hisobidan ajratilgan. 

Ushbu qaror ijrosini ta’minlash maqsadida Cho‘lyunus mahalla fuqorolar yig‘inidagi 1 ta oila xonadonini energiya tejamkor qilish, jumladan devor va tom qismlarini izolyatsiya qilish,energiya tejamkor deraza va eshiklar hamda quyosh energiyasi qurilmalarini o‘rnatishga ajratilgan mablag‘larning maqsadli ishlatilishi holati o‘rganildi.