Bugungi kunda yurtimizda tadbirkorlik faoliyatini qo‘llab-quvvatlash, ishbilarmonlik muhitini yanada yaxshilash davlat siyosatining ustuvor yo‘nalishlaridan biri bo‘lib qolmoqda. Xususan, Xalq deputatlari Toyloq tumani Kengashidagi O’ZLIDEP deputati K.Kasimova tomonidan saylov okrugidagi tadbirkorlik subyekti faoliyati bilan yaqindan tanishish maqsadida amalga oshirilgan tashrifi bu boradagi ishlarning amaliy ifodasi bo‘ldi.

Tashrif davomida hududdagi kichik biznes va xususiy tadbirkorlik vakili bilan muloqot qilinib, ularning faoliyati, mavjud muammolari hamda erishilayotgan yutuqlari o‘rganildi. Ayniqsa, “Tadbirkorlik faoliyati erkinligining kafolatlari to‘g‘risida”gi O‘zbekiston Respublikasi Qonuniga kiritilgan o‘zgartish va qo‘shimchalar, jumladan, O‘RQ-328-son Qonunining mazmun-mohiyati tadbirkorlarga batafsil tushuntirildi.

Mazkur qonun asosida tadbirkorlarga bir qator muhim imtiyoz va qulayliklar yaratilganligi. 

Jumladan:

tadbirkorlik subyektlarining huquqlari yanada mustahkamlanganligi;

davlat organlarining asossiz aralashuvlariga chek qo‘yilganligi;

tekshiruvlar tartibi soddalashtirildi va ularning soni qisqartirilganligi;

tadbirkorlar uchun moliyaviy qo‘llab-quvvatlash mexanizmlari kengaytirilganli tadbirkorlik faoliyatini kengaytirishda muhim omil ekanligi takidlandi.

Shuningdek, hududda tadbirkorlikni rivojlantirish maqsadida amalga oshirilayotgan ishlar ham e’tiborga loyiq. Xususan, imtiyozli kreditlar ajratilishi, soliq yengilliklari berilishi, infratuzilma bilan ta’minlash ishlari va yangi ish o‘rinlari yaratishga qaratilgan loyihalar izchil amalga oshirilmoqda ekanligi a'lohida e'tirof etildi.

Xulosa o‘rnida aytish joizki, tadbirkorlikni qo‘llab-quvvatlash borasida olib borilayotgan islohotlar nafaqat iqtisodiy o‘sishni ta’minlaydi, balki aholi farovonligini oshirish, yangi ish o‘rinlari yaratish va hududlar taraqqiyotiga mustahkam zamin yaratadi. Toyloq tumanida amalga oshirilayotgan bu kabi sa’y-harakatlar esa yurtimizda tadbirkorlikni rivojlantirish yo‘lida muhim qadam bo‘lib xizmat qilmoqda.

🌐 https://t.me/Toyloq_tuman_Kengashi