📌Xususan, deputatlar tomonidan o‘z saylov okruglarida fuqarolar bilan uchrashuvlar tashkil etilib, mazkur qaror ijrosi doirasida aholi muammolari o‘rganildi hamda manzilli takliflar shakllantirildi.

📌O‘rganishlar jarayonida hududlarda elektr energiyasi ta’minoti, jumladan, elektr havo tarmoqlarining eskirganligi va zamonaviy SIP kabellariga bo‘lgan ehtiyoj mavjudligi aniqlandi. Mazkur masalalar yuzasidan deputatlar tomonidan tegishli takliflar ishlab chiqilib, ijro uchun mutasaddi tashkilotlarga kiritildi.

📌Bildirilgan takliflar Toyloq tumani hokimi B. Raxmatullayev tomonidan atroflicha ko‘rib chiqilib, to‘liq qo‘llab-quvvatlandi. Natijada hududlarda elektr havo tarmoqlarini rekonstruksiya qilish, zamonaviy SIP kabellarini xarid qilish va o‘rnatish bo‘yicha amaliy chora-tadbirlar belgilandi hamda izchil amalga oshirilmoqda.

📌Amalga oshirilgan ishlar natijasida aholining elektr energiyasi bilan ta’minlanish sifati yaxshilanib, uzluksiz va barqaror elektr ta’minoti yo‘lga qo‘yilmoqda. Mazkur yo‘nalishdagi ishlar hududlarning ijtimoiy-iqtisodiy rivojlanishiga xizmat qilishi bilan birga, fuqarolarning turmush darajasini oshirishda muhim ahamiyat kasb etmoqda.

🌐 https://t.me/Toyloq_tuman_Kengashi