Xalq deputatlari Pastdarg‘om tuman Kengashi deputati X. Turdiyev tashabbusi bilan Qorag‘uppa mahallasida joylashgan 44-maktabda “Korrupsiya davlatni tanazzulga olib keladi” mavzusida davra suhbati tashkil etildi.

Tadbirda yoshlar, o‘qituvchilar hamda mahalla faollari ishtirok etdi. Suhbat davomida korrupsiyaning jamiyat va davlat rivojiga salbiy ta’siri, uning oldini olish chora-tadbirlari, fuqarolarning huquqiy ong va madaniyatini oshirish masalalari muhokama qilindi.

Deputat X. Turdiyev o‘z nutqida korrupsiyaga qarshi kurashish har bir fuqaroning burchi ekanini ta’kidlab, yoshlarni halollik va adolat tamoyillariga sodiq bo‘lishga chaqirdi. Shuningdek, qonun ustuvorligini ta’minlash va jamiyatda ochiqlikni kuchaytirish borasida amalga oshirilayotgan ishlar haqida ma’lumot berildi.

Davra suhbati ishtirokchilarning savol-javoblari, fikr va takliflari bilan mazmunli va samarali o‘tdi.