"Oilamga ehtirom" mavzusida o‘tkazilgan ushbu tadbirda yosh oilalar vakillari, mahalliy faollar, ijtimoiy sohada faoliyat yuritayotgan mutaxassislar ishtirok etdi. Unda oilaviy qadriyatlar, yoshlarni sog‘lom va barkamol tarbiyalashda oilaning o‘rni, ota-ona mas’uliyati, oilaviy muhitda o‘zaro hurmat va tushunish kabi mavzular atroflicha muhokama qilindi. 

Tadbirda so‘zga chiqqan Dilbar Turopova oilani jamiyat tayanchi, inson tarbiyasidagi ilk maktab sifatida e’tirof etib, yosh oilalarni mustahkam oila qurishga, milliy an’analar va ma’naviy merosni avlodlarga yetkazishga chaqirdi. 

Tadbir yakunida faol ishtirok etgan yosh oilalarga tashakkurnomalar hamda esdalik sovg‘alari topshirildi.