🔖Qonunchilikka ko‘ra, kasbga tayyorgarlik, qayta tayyorgarlik yoki malaka oshirish davrida ishsiz shaxslar uchun O'zbekiston Respublikasi Bandlikka ko‘maklashish davlat jamg‘armasining mablag‘lari hisobidan, qoida tariqasida, 26 kalendar haftagacha bo'lgan muddatga stipendiya to‘lanadi. (https://lex.uz/ru/docs/5055690#5059187)

✅ Stipendiya miqdorlari quyidagicha: 

🔸Ishdan va ish haqidan (mehnat daromadidan) oxirgi 12 oylik davr ichida mahrum bo‘lgan shaxslarga — avvalgi ish joyidagi o‘rtacha oylik ish haqining 75 foizi miqdorida, lekin mehnatga haq to‘lash eng kam miqdoridan kam bo‘lmagan va O‘zbekiston Respublikasida tarkib topgan o‘rtacha ish haqidan ko‘p bo‘lmagan miqdorda;

🔸Uzok, ya'ni 1 yildan ortiq tanaffusdan keyin ishdan va ish haqidan (mehnat daromadidan) mahrum bo‘lgan shaxslarga — mehnatga haq to‘lash eng kam miqdorining 1 baravari miqdorida;

🔸Birinchi marta ish qidirayotgan shaxslarga — mehnatga haq to‘lash eng kam miqdorining 75 foizi miqdorida;

⛔️Stipendiyalarni to‘lash soliq solish obyekti hisoblanmaydi.

✔️Stipendiyalar to‘lash to‘g‘risidagi ma'lumotlar «Bandlik xizmati» axborot tizimida va so‘rovnomada ko‘rsatiladi.