Gʻallaorolda salomatlik yo‘lida yangi qadam, yangi tibbiy model sinov tarzida joriy etildi

Xalq deputatlari Gʻallaorol tuman Kengashi deputatlari joylarda olib borilayotgan sog‘liqni saqlash, aholiga sifatli, samarali va uzluksiz tibbiy xizmat ko‘rsatishni ta’minlash borasida olib borilayotgan ishlar bilan tanishdi. 2025 yil 19 mayda qabul qilingan “Respublikada sog‘liqni saqlash tizimini va aholiga xizmat ko‘rsatish tamoyillarini takomillashtirish orqali isloh qilishni izchil davom ettirish chora-tadbirlari to‘g‘risida”gi PF-88-sonli Farmon va “Sog‘liqni saqlash tizimidagi islohotlarni amalga oshirishning qo‘shimcha chora-tadbirlari to‘g‘risida”gi PQ-185-sonli qaror ijrosi doirasida amalga oshirayotgan muhim o‘zgarishlar ularning e’tiborida bo‘ldi. Turkiya tajribasiga tayanilgan holda, aholiga birlamchi tibbiy-sanitariya yordami ko‘rsatishning yangi modeli asosida faoliyatini boshlagan oilaviy poliklinikalar ochilish marosimlarida qatnashdi.