Xalq deputatlari Parkent tuman Kengashiga 13-Istiqbol saylov okrugidan saylangan deputat Maxmudova Baxtinisa Zuxriddinovna 2025 yil 14-iyul kuni “Istiqbol” MFY saylovchilari bilan uchrashuv o`tkazdi. Uchrashuv davomida B.Maxmudova joriy yilning 6 oyi davomida olib borilgan faoliyati bo`yicha axborot berdi. Shundan so`ng fuqarolarning murojaatlarini eshitildi. Shuningdek, deputat tomonidan tumanni rivojlantirishga qaratilgan dasturlar ijrosini samarali nazorat qilishlari hamda mahallalardagi muammolarni hal etish bo‘yicha O‘zbekiston Respublikasi Oliy Majlisi Senati Kengashining 2025-yil 14-yanvardagi “Hududlarni rivojlantirish hamda aholi muammolarini hal etishda mahalliy Kengashlar deputatlari va senatorlarning “mahalla yettiligi” bilan o‘zaro hamkorligini yanada kuchaytirish chora-tadbirlari to‘g‘risida”gi KQ-35-V-sonli Qarori ijrosiga asosan “mahalla yettiligi” bilan bevosita hamkorlik yo`lga qo`yilganligi taʼkidlandi. Tadbir yakunida MFY yettiligi bilan fuqarolarning yechimini kutayotgan muammolari bo`yicha zarur chora-tadbirlar rejasi belgilab olindi.