Prezidentimiz raisligida o‘tkazilgan videoselektor yig‘ilishda ta’kidlaganidek, 2024 yilda yurtimizda 9364 ta yo‘l-transport hodisasi sodir bo‘lgani va oqibatda 2203 nafar inson hayotdan ko‘z yumgani faqatgina statistik raqamlar emas.

Shu bois yo‘llarda xavfsizlikni ta’minlash – bu faqat YHXB yoki hokimliklar ishi bo‘lib qolmaydi. Agar haydovchi qoidalarga amal qilmasa, yo‘lovchi xavfsizlikni e’tiborsiz qoldirsa, piyoda belgilangan joydan o‘tmasa – ko‘ngilsizliklar davom etaveradi.

Bu masalada davlat organlari, jamoat tashkilotlari va fuqarolar o‘rtasida samarali hamkorlik yuzaga kelishi lozim. Avvalo, bolalarga yoshligidan yo‘lda o‘zini tutish madaniyatini singdirish zarur. Ommaviy axborot vositalari orqali yo‘l-harakat qoidalarini keng yoritish, haydovchilarni tartibga chaqiruvchi tashviqot ishlarini yanada kuchaytirish zarur.

🇺🇿Xalq deputatlari Navoiy shahar kengashi deputati

Muxamedov Xamidulla Xabibullayevich