Xalq deputatlari Angor tumani Kengashi 11-Navro‘z saylov okrugi deputati To‘rayev Norquvvot Tadjimurodovich tomonidan hududdagi Tibbiyot birlashmasiga qarashli ko‘p tarmoqli kattalar poliklinikasining faoliyati o‘rganildi.

O‘rganish davomida poliklinikada aholiga ko‘rsatilayotgan tibbiy xizmatlar sifati, bemorlar uchun yaratilgan shart-sharoitlar hamda tibbiyot xodimlarining murojaatlar bilan ishlash holatiga alohida e’tibor qaratildi.

Deputat tomonidan poliklinikaga tashrif buyurgan bemorlar bilan bevosita suhbat o‘tkazilib, ularning tibbiy xizmatlardan foydalanish jarayoni, shifokorlar va tibbiyot xodimlarining muomala madaniyati, xizmat ko‘rsatish sifati hamda mavjud muammolar yuzasidan fikrlari o‘rganildi.

Suhbatlar davomida fuqarolarning taklif va mulohazalari tinglanib, aholiga sifatli, qulay va o‘z vaqtida tibbiy xizmat ko‘rsatish muhimligi ta’kidlandi. Aniqlangan masalalarni bartaraf etish, bemorlar uchun qulay sharoitlarni yanada yaxshilash hamda tibbiy xizmatlar sifatini oshirish bo‘yicha mas’ullarga tegishli tavsiyalar berildi.

Deputatlik nazorati doirasidagi mazkur o‘rganishdan ko‘zlangan asosiy maqsad — hudud aholisining sog‘liqni saqlash xizmatlaridan mamnunligini oshirish, mavjud muammolarni joyida aniqlash va ularning amaliy yechimini ta’minlashdan iborat.