Xalq deputatlari Angor tumani Kengashi deputati J. Raximqulov tomonidan “Qorasuv” mahallasida joriy yilning I choragi yakunlari yuzasidan hisobot yig‘ilishi tashkil etildi.Mazkur uchrashuvda hududiy vakillik organlari faoliyatining ochiqligini ta’minlash hamda aholi bilan muloqotni yanada kuchaytirish maqsadida mahalla nuroniylari ham ishtirok etdi. Yig‘ilish davomida deputat tomonidan hisobot davrida amalga oshirilgan ishlar, hududni ijtimoiy-iqtisodiy rivojlantirish borasida ko‘rilgan chora-tadbirlar, fuqarolar murojaatlari bilan ishlash natijalari hamda mavjud muammolarni bartaraf etishyo‘nalishidagi faoliyati yuzasidan batafsil axborot berildi. Yig‘ilish yakunida aholini qiynab kelayotgan dolzarb masalalarni tizimli hal etish, hudud infratuzilmasini yanada yaxshilash, sog‘liqni saqlash hamda kommunal xizmatlar sifatini oshirish yuzasidan deputat tomonidan vazifalar belgilab berildi.