ХАЛҚ ДЕПУТАТЛАРИ ЯНГИҚЎРҒОН ТУМАНИ КЕНГАШИ депутати Юлдашев Турсунпўлат Ҳакимбекович томонидан ўз сайлов округи ҳудудида жойлашган 20-сонли махсус ихтисослаштирилган мактабгача таълим муассасасида ўрганиш ишлари олиб борилди.

Ўрганиш жараёнида муассасада тарбияланаётган болалар учун яратилган шарт-шароитлар, таълим-тарбия жараёнини ташкил этиш ҳолати, гуруҳ хоналари, ўйин майдонлари ҳамда моддий-техник база атрофлича кўздан кечирилди.

Шунингдек, муассасадаги санитария-гигиена талабларига риоя этилиши, тарбиячилар ва ходимлар фаолияти, болаларнинг хавфсизлигини таъминлаш борасида амалга оширилаётган ишларга ҳам алоҳида эътибор қаратилди.

Жумладан, муассасанинг жиҳозланганлик даражаси, ўқув-услубий воситалар, ўйин анжомлари ва бошқа зарур воситалар билан таъминланганлик ҳолати ҳам ўрганилиб, улардан самарали фойдаланиш масалалари таҳлил қилинди.

Ўрганиш давомида аниқланган камчиликлар ва мавжуд муаммолар юзасидан тегишли мутасадди ташкилотларга таклиф ва тавсиялар билдирилди. Шу билан бирга, муассасада таълим сифатини янада ошириш, болалар учун қулай ва хавфсиз муҳит яратиш борасида амалга оширилиши лозим бўлган ишлар белгилаб олинди.

Депутат томонидан назоратга олинди.