Xalq deputatlari Mirobod tuman Kengashining “Haftalik ish rejasi” ijrosi bo‘yicha deputat G.F.Umarova “At-Termiziy” MFYda “mahalla yettiligi” a’zolari bilan ijtimoiy soha yo‘nalishlariga oid mahalladagi muammolarni 24 ta tavsiyaviy so‘rovnoma asosida o‘rganish ishlarini olib bordi. 

 Deputat G.F.Umarova avvalo “At-Termiziy” MFY yettiligi bilan uchrashib, O‘zbekiston Prezidentining 2023-yil 21-dekabrdagi “Mahalla institutining jamiyatdagi rolini tubdan oshirish va uning aholi muammolarini hal etishda birinchi bo‘g‘in sifatida ishlashini ta’minlashga qaratilgan chora-tadbirlar to‘g‘risida”gi PF-209-sonli Farmon ijrosi bo‘yicha yettilikning asosiy vazifalari to‘g‘risida va deputatning maqomi uning vakolati doirasidagi faoliyati haqida suhbat o‘tkazdi.

Suhbat jarayonida Xalq deputatlari Mirobod tumani Kengashining 2026-yil 24-mart kuni bo‘lib o‘tgan sessiyasida O‘zbekiston Respublikasi Prezidentining 2026-yil 5-fevraldagi “Ko‘p xonadonli uylarni boshqarish tizimini yanada takomillashtirish bo‘yicha qo‘shimcha chora-tadbirlar to‘g‘risida”gi PQ-48-sonli qarorining ijrosi hamda Mirobod tumanidagi ichki xo‘jalik yo‘llarni saqlash va joriy ta’mirlash ishlari bo‘yicha 2026-yil uchun manzilli ro‘yxatini tasdiqlash to‘g‘risida qarorlar qabul qilgani haqida ma’lumot berdi.

Bizni ijtimoiy tarmoqlarda kuzatib boring.

Telegram tarmog‘ida: https://t.me/MirobodKengash

 Facebook tarmog‘ida: https://www.facebook.com/share/p/1CMZpdqxre/