Xalq deputatlari Furqat tumani Kengashi deputati N.Olimov 16-Qo‘qonboy saylov okrugida joylashgan “Qo‘qonboy” MFY hududida bo‘lib, O‘zbekiston Respublikasi Prezidentining 2025-yil 27-dekabrdagi PQ-393-sonli qaroriga muvofiq amalga oshirilayotgan ishlar bilan tanishdi.

Xususan, hududdagi 18-sonli umumta’lim maktabi binosini yangidan qurish loyihasi ko‘zdan kechirildi. Mazkur loyiha doirasida zamonaviy talablarga javob beradigan, o‘quvchilar uchun qulay va sifatli ta’lim olish imkonini yaratadigan yangi maktab binosini barpo etish rejalashtirilgan.

Deputat tomonidan qurilish ishlarining borishi, belgilangan muddatlar va sifat masalalari yuzasidan mutasaddilar bilan fikr almashildi hamda tegishli tavsiyalar berildi.

Hududlarda ijtimoiy infratuzilmani rivojlantirish, xususan, ta’lim muassasalarini zamonaviy ko‘rinishda barpo etish bo‘yicha ishlar izchil davom ettirilmoqda.